Israeli na Palestinian lidas tok bai oli igo long Washingtin bilong tr
Updated
Israeli na Palestinian lidas i tok, ol bai trevel igo long Washington bilong traim na pasim wanpela bel isi, or lasting Middle East peace deal.
Ol toktok stret namel long ol bai stat tumoro long namba wan taim bihain long klostu tupela yar.
Ripota bilong mipela long Washington, Kim Landers i ripot olsem, US President Barack Obama i tok, olsem, dispela ol peace talks bai i hat.
Praim Minista bilong Israel, Benjamin Natanyahu itok, em i strongpela tingting na laik bilong pasim bel isi.
Palestinian lida, Mahmoud Abbas i tok em bai wok hat long kamapim peace.
Em bai namba-wan taim bihian long klostu tupela yar, dispela tupela sait wantaim bai holim face to face talks.
Long wankain taim, armed wing bilong Palestinian grup, Hamas i tok, em i bin sut long gan na givim bagarap long bodi bilong tupela Israelis ibin tok long trevel long wanpela kar long West Bank.
Hamas i tok aste olsem, emi bin risponsibal tu long kilim dai or murder bilong foapela Jewish settlers, namel long ol wanpela meri gat bel long Hebron city.
