INDON: Polis i pulim kalabusim 11pla pipal

Updated September 3, 2010 19:53:19


Ol polis blong Indonesia itok oli pulim kalabusim pinis 11pla pipal bihaenim dai blong 6pla pipal taem oli bin usim gun na sut igo long wanpla grup blong ol pipal husat ibin bung bung nabaut na kamapim trabal long stat blong despla wik.

Ol despla polis ofisa ibin sut igo long wanpla bikpla laen pipal long Central Sulawesi province, bihaen long planti handrat pipal ibin go na bagarapim polis stesin we wanpla kalabusman ibin dai long rum gad.

Oli wok long askim ol despla 11pla man bihaenim ol shootings na tu dai blong despla man long rum gad.

Oli putim pinis ol strongpla woksekiuriti long taon we despla trabal ibin kamap long en, bihaen long sampla gang ibin stat long raon na bagarapim haus na ol kar blong ol polisman.