AUS: Ol heve wantem wok politik bai go hed iet.
Updated
Ol heve wantem ol wok politik long Australia, i luk olsem bai go hed iet, long wonem tripla indipendant memba blong Palaman, ino tokaut iet long wonem Party stret bai oli sapotim.
Despla heve i kamap long wonem, ileksan em oli bin holim long mun igo pinis ino soim stret olsem Labour parti ibin kisim bikpla namba long kamapim gavman oa Liberal-National party em Tony Abbot igo pas long en ino bin soim tu olsem emi bin kisim mak blong kamapim gavman.
Ol despla tripla indipendant palaman memba iwok long holim ol miting wantem Praim Minista Julia Gillard na Opposition lida Tony Abbott.
Wanpla long despla tripla man, Rob Oakeshott, itok em bai no nap tokaut long tingting blong en inap long mande oa sampla dei bihaen.
Narapla ken Tony Windsor, itok em tu bai no nap hariap na tokaut long tingting blong en.
The easiest thing for me to do would be to back the Coalition in terms of the people in the electorate - that's the easy pathway and I've got to make a decision whether it's the best one and I haven't made that call yet.
