Aus: Gillard i nambawan meri tru tru nau long kamap PM!
Updated
Tingting blong displa tupla indipendent long sapotim Leba Pati, i mekim Julia Gillard i kamap nambawan meri tru long holim wok olsem Praim Minista blong Australia.
Julia Gillard i bin kamap Praim Minista long mun June, tasol taim em kamap PM, em i bin tok, em ino kisim tok orait blong pipal stret long displa - olsem na em ino laik muv igo long haus blong Praim Minista.
Tinting blong displa tupla indipedent tede i kliarim rot long em i ken muv igo long haus blong Praim Minista em i bin sanap nating i stap bihain long Kevin Rudd na femili blong em i bin lusim.
Niupla gavman blong Ms Gillard bai gat ol niupla pes long ol snia wok.
Em i mas makim wanpla niupla Fainens Minista na wanpla niupla Difens Minista blong kisim ples blong Lindsay Tanner na John Faulkner.
Na em i mas stretim tingting long wanem kain wok em bai givim long man em i bin kisim ples blong en long Praim Minista wok, Kevin Rudd.
