Aus: Julia Gillard winim sapot blong tupla indipendent MP
Updated
Australia Praim Minista, Julia Gillard, i winim pinis sapot blong tupla indipendent MP.
Displa i larim Leba pati blong em long fomim niupla federal gavman.
Danny Morgan i ripot ikam long Canberra olsem, sapot blong Tony Windsor na Rob Oakeshott i givim Leba 76 vout long Paliment taim Coalition i gat 74.
Mr Windsor i tok, em ino bin isi long toktok na skelim tingting, tasol em i laikim ol Leba polisi blong sampla samting.
Julia Gillard i promis long holim wanpla bikpla bung blong toktok long tax sistem blong kantri, na long givim moa mani blong ol regional areas na tu, long holim wanpla referendum blong luksave long ol as-ples, ol aboriginal pipal insait long mama-loa blong kantri.
Mr Oakeshott i tok displa minority government bai kamapim sampla niupla aidia.
Narapla indipendent, Bob Katter i sapotim Coalition, bikos em i tok, em ino hamamas long Leba i bin rausim Kevin Rudd olsem Praim Minista.
I tru tupla i sapotim Ms Gillard, Mr Windsor na Mr Oakeshott i gat rait yet long tupla i ken vout oa noken vout halvim Leba long sampla loa.
