Konstitusen blong Australia ino luksave long olindiginis pipol

Konstitusen blong Australia ino luksave long olindiginis pipol

Konstitusen blong Australia ino luksave long olindiginis pipol

Updated 13 July 2015, 16:20 AEST

Long stori blong ol Aboriginal na Torrest Strait islands pipol blong Australia long Naidoc Wik tede, stori i lukluk long hau kostitusen or mama loa blong Australia ino luksave long ol.

Maski ol Aboriginal na Torres Strait pipol ibin stap long Australia samting olsem 50 - 60 tausan yia pinis, 1901 konstitusen blong Australia i nogat wanpela toktok long luksave long ol indigenous pipol.

Strongpela muvmen igoget nau ia long luksave long ol olsem ol i asples pipol blong Australia insait long Preamble oa bikpela toktok long stat blong Konstitusen.

Despla ino wankaen olsem long ol kostitusen blong  Papua New Guinea, Vanuatu na Solomon Islands na olgeta indipendent kantri long Pacific, we ol i gat luk save long ol indigenous pipol.

Ol Preamble toktok  blong ol despla kantri i luksave long ol tubuna, giraun blong blong ol pipal , ol kastom, kalsa, tribe, Melanesian value, ol independent, oli luksave long God, gavman na planti moa.

New Zealand ino gat kostitusen - em i gat ol treaty oa haphap mama loa, na wanpela long ol em i Treaty blong Waitangi.

Treaty blong Waitangi we gavman blong England ibin sainim wantaim ol Maori Chief long 1840, i givim luksave long rait blong ol Maori pipol long graun na propati blong ol.

Professor Clive Moore, save man blong Australia long sait long Australian na Pacific histori long Queensland University i tok long Australia, i nogat wanpela luksave olsem insait long konstitusen long ol indigenous pipol.

Ringim studio

Yu gat samting blong toktok long en long wanem samting yu harim displa taim?

Text/SMS
Salim wan SMS toktok ikam long namba +61 427 72 72 72

Tweets
Edim #raonair long ol stori yu raitim.

Email
Salim tingting blong yu long email. Mipela ken yusim ol toktok blong yu long redio.