PNG mas mekim lo agensim sanguma pasin

PNG mas mekim lo agensim sanguma pasin

PNG mas mekim lo agensim sanguma pasin

Updated 20 February 2013, 18:53 AEST

Ol heve we i save kamap long Papua New Guinea long pasin sanguma i mekim wanpela memba i tokaut long gavman i mas mekim lo long en.

Dispela sorcery or sanguma pasin olsem yumi save kolim long Tok Pisin pasin em i hap long kalsa blong yumi olgeta kantri long Melanesia olsem Papua New Guinea, Solomon Islands na Vanuatu.

Sampela komiuniti long ol hap blong yumi em dispela Sanguma pasin i strongpela tumas na oli save kilim dai ol husat man-meri oli ting oli save wokim.

Dispela kain pasin i bikpela moa long ol highlands rijin.

Memba blong palamen blong Gazelle long East New Britain province, Malakai Tabar i laikim gavman i mas hariap na mekim lo agensim samguma pasin long kantri.

Em itok planti pipol ibin dai nating na bikpela heve ibin kamap long sampela hap long kantri long wanem oli sutim tok long oli wokim sanguma pasin.

Mr Tabar itok ol polis ino nap dil gut wantem despla long wanem ol lo nau ia i olpela tumas na ino nap wok gut.

Em i tokaut long dispela bihain long sampela lain ibin iusim paia long kukim na kilim wanpela meri long Mount Hagen long last wik.

Ringim studio

Yu gat samting blong toktok long en long wanem samting yu harim displa taim?

Text/SMS
Salim wan SMS toktok ikam long namba +61 427 72 72 72

Tweets
Edim #raonair long ol stori yu raitim.

Email
Salim tingting blong yu long email. Mipela ken yusim ol toktok blong yu long redio.