Stori long sindaun blong ol as peles pipol blong Australia long NAIDOC Wik

Stori long sindaun blong ol as peles pipol blong Australia long NAIDOC Wik

Stori long sindaun blong ol as peles pipol blong Australia long NAIDOC Wik

Updated 13 July 2015, 16:24 AEST

Hap tok Naidoc i minim,  National Aborigines and Islanders Day Observance Committee. Sampela Aboriginal grup ibin statim dispela Naidoc long 1920s em blong mekim ol arapela i luksave long sindaun blong ol Indigenous Australian na tritment blong ol.

NAIDOC Wik we i stat long naba 5 igo inap long naba 12 long July, em blong selebretim tu Aboriginal na Torres Strait Islander history, culture, ol achievement  - na em i taim blong luksave long kontribusen blong ol Indigenous Australian long kantri na sosaeti.

Theme oa bikpela toktok long dispela Naidoc Wik nau em i "We all Stand on Sacred Ground: Learn, Respect and Celebrate".

Tede bai yumi harim ol toktok long sait long histori blong ol indiginous pipol, wanem taim ol wait pipol i kam, na giraun na sindaun blong ol as peles pipol long Australia.

Blong stori long ol dispela, yumi gat Professor Clive Moore, save man blong Australia long sait long Australian na Pacific histori long Queensland University.

Ol aboriginal pipol blong Australia, wankain wantaim Papua New Guinea, ol ibin stap pinis long ol graun blong ol insait long samting olsem 50 na 60 tausan yia i go pinis.

Taim ol wait lain i kam long statim ol convict setelmen long Australia long 1788, ol i ting samting olsem 1 million Aboriginal pipol nau i stap pinis.

Tasol kainkain sik ol wait pipol i bringim i kilim dai planti long ol na ol setler ibin kilim dai planti long ol tu - na naba blong ol i go daun long sampela 10 tausan tasol i stap long 1900s.

Professor Clive Moore itok naba blong ol i go antap long samting olsem 700, 000 tasol em i samting olsem 3 oa 4% tasol long populesen blong Australia.

Professor Moore i toktok moa wantaim Sam Seke long histori na giraun blong ol Indinenous pipol blong Australia long odio blong stori.

Ringim studio

Yu gat samting blong toktok long en long wanem samting yu harim displa taim?

Text/SMS
Salim wan SMS toktok ikam long namba +61 427 72 72 72

Tweets
Edim #raonair long ol stori yu raitim.

Email
Salim tingting blong yu long email. Mipela ken yusim ol toktok blong yu long redio.